ما تسااامحينييييش ....!!!
أيوة غلطت ، غلطة كبيييرة ، قد رااااسي !!
لأ غلطتين !!
لا ، لالالالا ، ثلااااثـة !!
أنا كل شوية بغلط !!
زي العيااااال
ما تسااامحينيييش !!!
مش عشان مانيش ملااااك ، ولا عشاااان مش عارف أكتب كلمتين !!
لأ ، عشان أنا ما استاااهلـــش !
بس ، وخلاااااص.
سمعتك كثييييييير ، بـــــسسسسس ، خلااااااااااااااااااص !!
ممكن أتكلم أنا بقى شوية ، مش هقول حاجة ، ما انتي عارفة ، معنديش مبررات حقيقية ، كلها مبررات واهية ، ومش لأني أضعف ، لأنها فعلاً مبررات واهية ، لأني غبي ، مش بعمل حاجة ليها مبررات حقيقية !!! ، أنا أصلاً عمري ماعملت حاجة بمبرر ! إلا يمكن الرسالة دي واخواتها ، عارفة ، عشان كده بكرههم ! زي ما بكرهني !! ، أوقات !!! .........
ما أنا أصلي ما بكرهنيش قوي يعني ! ، مهما حصل بستحملني !
عارفة ، ممكن لو سمحتي أقول لك حاجة قلتها لك زمان !!!
أنا لما كنت ببقى عاوز أكلم نفسي ، كنت بكلمك !
يمكن أوقات ببعد عني ، ببقى عاوز أشوفني لوحدي أكثر !!! لوحدي بجد !!
إيه يعني لما أفشـل ، عادي ، عشان أتعلم !!!
ما أنا أصلاً حاسس إني مزعج، ومرهق، و حاجات تانية كثيييييييير ، مش لازم أكتبها !!
طيب ، هوا أنا لما غلطت قبل كده كنت كويس يعني ؟!!! ، ما الواحد كل مرة بيغلط فيها بيبقى أقل من اللي بعديها !
أقول لك اغلطي انتي كمااااااااااان
اغلطي قوووووووي
اعملي اللي انتي عاوزااااااااه !!!
بس .................
أيوة أنا مش محتاج لحد ! ، وممكن أحاول أثبت لنفسي إني مش محتاج لحد ، خلاااااااااااااص !!
مش محتاج لحد !
أيوة مش محتاج لحد
خااااااااااااالص
محتاج
.
.
.
.
.
.
.
.
لك !
هناك 10 تعليقات:
أهلاً ، إزيك ؟؟ ، جيتي !! ، لأ ...
ما ترديش عليا ...... بجد ، إوعي تردي علياااا !!!!
أنا بمارس إنسانيتي صحيح ، بس ده مش دليل إني إنسان قوي يعني !!
عارفة ليه ؟!!!
زي ما قلتي ، يمكن عشان أنا زعلاان عشان نفسي !!!
بس بجد أنا المره دي
ما أنا كل مره بقول أنا المره دي !!!
طيب المفروض البوست ما يبقاش شخصي ، خلااااص !!!!
أنا مش هتكلم تاني
أصل تعرفي ، فعلاً ما يصحش يتكرر نفس السيناريو !!! ، أنا نفسي بقيت بزهق منه !! ، هوا صحيح زهق ، ولا أنا بخرف ؟!!!
إنتي ليه جيتي ؟؟!!!!
خلااااااص ، مفيش حاجة !
مفيش حاجة خاااااااالــــــــص
بس افتكري إنك كنتي معايا ف كل وقت !
وإني بجد هستحقر نفسي جدًا لو بعدتي أكثر
ومش هكتب تاني ، ماشي !!!
أنت بجد مجرم ..انت ازاي بتعرف تعمل الحالة دي
بجد بوستك دمه خفيف
لذيذة قوي فكرة التعليقات دي
خللي بالك من نفسك
ايه ده؟
مين بيعمل ايه؟
ايه التوهان ده؟؟
انا تهت يا جدعااااااااااان
عموما انا داخله اقول كل سنه وانت طيب
واقيت نفسي جوا طاحونه
ميرسي يا فندم
قوية .. ناعمة .. مؤثرة .. متغلغلة .. ممتدة .. جريئة .. خجولة ..
متهيألي لازم تبتسم غصب عنها ..
بوست متميز و لمسني أوي .. مبدع كعادتك يا إبراهيم ...
ألف سلامة عليك يا حبيبي .
الف سلامة عليك .
مش اسمه ايه بيقول كدة ..
كان بعقله والله لولاش الزمن .
دنيا . يبيت العاقل فيها محبا فيصحوامتنيلا على عينه .
هدى ... إزيـــــــــــك إنتي ، مبروك (تاني) على مدونتـك ، بس ركزي فيها شوية !!
حـــالــة .. !!!
الله يكرمك ، جـايز !
برضه مرورك يسعدني !
(على فكرة مش أول مرة أعلق عليا
وينكي .. منورااااااني ...
ده أنا بيرد عليا :)
الموضوع بسيط يعني
تسلمي لي يا ستي ، وكل سنة وإنتي أحلى وأجمل، وعاوزين نشوووفـك بقى
أنا عايزة أعلق على كلمة "ماتساميحنيش"...عمر ما حد يطلب من حد انه مايسامحهوش غير لما يكون متأكد انه مش غلطان وانه عارف انه معملش حاجة غلط...لأن الطبيعي ان الواحد يطلب السماح لما يحس انه غلط...و لا أنا غلطانة؟
مجرد رأي ليس إلا
إرسال تعليق